Musika eskola

Leioako biztanleria osoari zuzendutakoa (30.000 biztanle). Beste udalerri batzuetako ikasleak onar daitezke leku librerik badago.

Bertan, heziketa amateurra eta ludikoa eskaintzen da, kalitate handikoa, eta Kontserbatorioko irakasle-talde berak ematen du musika-tresnen aukera osoarekin.

Eusko Jaurlaritzaren Hezkuntza Sailaren musika eskolei buruzko 1992ko urriaren 27ko 289/1992 dekretuaren bidez araututakoa.

Irakaskuntza hori mailatan egituratuta dago:

I. maila edo Harrekoa.
II. maila edo Hastapenekoa.
III. maila edo Finkapenekoa.
IV. maila edo Lehentasunezko Jarduerakoa.

Musika Eskolen Dekretuaren arabera, ondorengoak dira funtsezko helburuak:

Musika heziketa ez-arautua eskaintzea, izaera amateur eta ludikoarekin, musikaren taldekako jarduna sustatuta.
Musikaren arloan motibatuta eta gaituta dauden ikasleak erakartzea, kontserbatorio profesionalaren irakaskuntza arautura sartzea ahalbidetuko dien irakaskuntza sendotua emateko.

I. MAILAKO MUSIKA ESKOLA

Musika eta Mugimendua irakasgaiak txikienei musika hurbiltzea du helburu, jolasaren, aktiboaren eta bizipenaren ikuspegitik. Nortasunaren eta sormen-prozesuen garapenaren inguruan lan egingo dugu, entzunezko diskriminazioa bultzatuko dugu jolasaren eta perkusio txikiko instrumentuen bidez, jarduera erritmikoak garatuko ditugu instrumentuekin eta gorputz-perkusioarekin, ahots-adierazpena bultzatuko dugu abesti eta ahots-jolas ugariren bidez, eta geure gorputza erabiliko dugu musikaren bidez adierazteko tresna gisa. Hori guztia, ikasleengan motibazioa sortzen saiatuz, musika haien bizitzaren parte izan dadin.

II. MAILAKO MUSIKA ESKOLA

Musika 7 urteko haurrei hurbiltzea.

Leioako ikastetxeetarako eta eskoletarako entzunaldiak: Lehen Hezkuntzako 1. eta 2. maila.
Posta bidezko informazioa liburuxka, Leioan bizi diren 7 urteko haur guztiei zuzendutakoa.
Liburuxka hori postontziz postontzi uztea, 7 urteko haurrei lehentasunezko gonbidapena eginda.
Sare sozialetan argitaratzea.

Hastapeneko modulua

Derrigorrezko bi baldintza: gutxienez 7 urte izatea sarbide-urtean eta Lehen Hezkuntzako 1. maila gaindituta izatea.
Taldeak euskaraz eta gaztelaniaz.
Haurrentzat pentsatutako intuiziozko metodo pedagogiko erakargarriak. Haurrak musika lengoaian barneratzen dira talde mugatutan.
18 musika-tresna espezialitateak erakusteko saioak, haurrek, euren gustuen eta ezaugarrien arabera, musika-tresna egokia aukera dezaten, kontuan hartuta, gainera, musika-tresnako dauden lekuak eta irakasleen aholkuak.
Helduei zuzendutako talde espezifikoa.

1. eta 2. modulu komunak

Lehenbiziko bi modulu horiek (8 eta 9 urte) taula akademiko komuna daukate ikasle guztiei aukera-berdintasuna eskaintzeko.

Musika Lengoaiako 2 eskola astean, bakoitza, 60 minutukoa.
Musika-tresnaren bakarkako eskola 1asteko, 45 minutukoa, edo taldeko 2 eskola 2 ikaslerentzat, 90 minutuko iraupena daukatenak guztira.

3. eta 4. modulu sendotuak

Irakaskuntza sendotuaren oinarrien arabera, bi modulu horietan sartzeko aukera izango dute musikari dagokionez motibatuta eta gaituta dauden ikasleek. Horien helburua kontserbatorio profesionalera sartzeko maila egokia lortzea da.

Ordutegi-dedikazio handiagoa daukate, taula akademikoan ikus daitekeen moduan.

Ikusi musika-tresnako dauden lekuen taula espezifikoa irakaskuntza sendoturako.

3., 4., 5. eta 6. moduluak

Tarte honek osatzen du II. mailako Eskolako ibilbide akademikoa eta, hura amaitzerakoan, 4. Modulu Sendotuaren antzeko gaitasun-maila lortzen da.

II. mailako Eskolako taula akademikoan ikus dezakegu prestakuntzaren erritmoa arinagoa dela irakaskuntza sendotuan baino.

III. MAILAKO MUSIKA ESKOLA

Tarte akademiko honen azken helburua musika-tresnari dagokionez Maila Profesionaleko 3. Ikasturtean lortzen den gaitasun-mailaren antzekoa lortzea.

Taula akademikoan ikus daitekeen moduan, musika-prestakuntza 6 Modulutan egituratuta dago.

IV. MAILAKO MUSIKA ESKOLA

Taldeko jarduera artistikoetara baino ez dago zuzenduta.

MUSIKOTERAPIA

Irakasle espezializatuak daude, pertsona gutxiri zuzenduta egonagatik ere, garrantzitsua eta sentikorra den eskaera horri erantzuteko. Urritasunen bat daukaten haurrak, esaterako: Down, Asperger, West eta Red sindromeak edo autismoaren hastapenak eta mugitzeko edo hizketarako disfuntzioak. Arreta pertsonalizatua, kasu bakoitzaren beharretara egokituta.

6 eta 11 urte bitarteko haurrekin egingo litzateke lan, hau da, Lehen Hezkuntzan daudenekin.

SOLASALDIAK IRAKASLEEKIN

Ikasturtearen hasieran, irakasle bakoitzak ikasleei jakinaraziko dizkiete gurasoen arretarako egunak eta orduak.

NOTAK ETA TXOSTENAK

Hiruhileko bakoitzaren azken astean.