Gure nortasun ikurrak
- Irakaskuntza bakoitzerako eguneratutako plan pedagogikoak, heziketa eragingarria, atsegina eta suspergarria lortze aldera.
- Irakasle-ikasle ordutegi-dedikazioa egokia, bakarkako eta taldeko (gehienez 12 ikasle) eskolen bitartez, irakaskuntza pertsonalizatua, masifikatu gabea eta eskola partikularren beharrik gabekoa lortze aldera.
- Irakasleak eta irakaskuntzaz kanpoko langileak lan-erregimen orokorrean sartuta daude, ez dira funtzionarioak. Malgutasuna, dinamismoa eta eragingarritasuna.
- Irakasleen etengabeko prestakuntza eta talde-lana, esperientziak elkartrukatzeko eta kalitatezko maila profesionala mantentzeko.
- Talentuak erakartzea oposizioen eta lehiaketa zorrotzen bitartez, profesional onak eta berritzaileak irakasle-taldean sartzeko.
- Langileen dimentsionamendua, Zentroaren benetako beharretara zehatz egokitutakoa.
- Irakasle jarduna eta jarduera artistiko garrantzitsua aldi berean gauzatzen duten irakasleen portzentaje nabarmena; horrek eragina du irakaskuntzaren kalitatean eta Zentroaren ospean.
- Zuzendaria, arloburuak eta Talde Artistikoen zuzendariak Fundazioaren Kontseilu Errektoreak hautatzen ditu, presidentearen proposamenean oinarrituta eta modu egonkorrean, kudeaketa akademikoan egonkortasun eta eragingarritasun handiagoa lortze aldera.
- Ikasleen batez besteko adina oso baxua da eta haur gehienak 7 urterekin hasteko erraztasunak ematen dira. Estrategia horri esker, besteak beste, 18 urteko ikasleek musikako goi mailako ikasketak egiteko aukera daukate Maila Profesionala eta Batxilergoa aldi berean amaitzean.
- Ikasleen banaketa musika-tresnen arabera, behar sozio-musikalen arabera aurrez finkatutakoa, musika-tresnen masifikazio zentzugabeak ekidinez. Horrela, Zentroaren beraren talde artistikoen prestakuntza ahalbidetzen da: orkestrak, ganbera-taldeak, baita beharrezko egonkortasuna ere irakasleen taldean.
- Musika Batxilergoa Institutuko ikasketekin koordinatuta. Horri esker, Maila Profesionaleko 5. eta 6. mailako ikasleek Batxilergoko eskola-karga murriztu eta optimizatu dezakete, musikako gaiei lotuta baliozkotzeak egitea aurreikusita baitago.
- Musikari buruzko irakaskuntza osoa, Zentroaren berezko plan akademikoak eta kanpoko jarduera artistiko zabala eta garrantzitsua aldi berean eskainita. Horrek, gainera, ikasleen artean motibazio eta ilusio plus nabarmena sortzen du eta Zentroaren ospea areagotzen du.